भय वाटतं तुला... डायना मारी बंबार्दिरी

परिचयाचा भंवताल सोडून देण्याचं भय वाटतं तुला
परिचयाच्या या भंवतालात आहे एक पांघरलेला अज्ञान भाव
तुला सुरक्षित वाटणारा आणि समाधानात गुरफटवणारा
तू नाकारून टाकतोस विवेकाचा स्वर
कारण तुला बंदिस्त करणाऱ्या भंवतालाच्या कुंपणाने
आंधळं केलेलं असतं तुला

स्वतःशी खरं वागून पहा
“सत्याला झाकून टाकलंस आणि जमिनीत गाडून टाकलंस,
तर ते वाढीला लागेल जोमाने, आणि गोळा करील अशी विस्फोटक शक्ती
की जेव्हा ते फुटून बाहेर येईल, तेव्हा वाटेत येणाऱ्या साऱ्या भवतालाच्या उडवील चिंधड्या.”
म्हणालेला एमिल झोला... (१८४०मध्ये जन्मलेला आणि १९०२मध्ये मेलेला)

मिळवायला हवी तुला शक्ती
स्वतःला सकारात्म सत्याने वेढून घेण्याची.
सशक्त हो.
शक्ती, सत्य आणि विश्वास स्वतःतच मिळवणं
हीच आहे किल्ली बंदिस्त करणारा भंवताल खुला करण्याची

तू असशील मुक्तात्मा 
कुणीच नाही ठरवणार तुझ्या अस्तित्वाचे कंगोरे
कुणीच नाही सांगणार तुला- काय विचार करावा, काय कृती... काय उक्ती...
कुणीच नाही करणार तुझं जगणं नियंत्रित
दुसरं कुणीही नाही... फक्त तू स्वतःच.

डायना-मारी बंबार्दिरी

You are scared to let go of the familiar;
the familiar has a feigned ignorance of making you feel safe and comfortable.
You dismiss the voice of reason,
because you are blinded by the sole thing that barricades you.
 
Be true to yourself:
“If you shut up truth and bury it under the ground,
it will but grow, and gather to itself such explosive power 
that the day it bursts through, it will blow up everything in its way” (Emile Zola; 1840-1902)
 
You must find strength.
Surround yourself with what is positive.
Be strong.
Strength, truth and belief in yourself are the keys to unlocking 
all that binds you.
 
You are a free spirit;
No person characterizes your being;
No person dictates how you think, act or speak;
No person controls your life;
No person except for yourself.
 
Diana-Marie Bombardieri


Comments

Post a Comment

Popular posts from this blog

डब्लू एच ऑडन- १- सप्टेंबर १, १९३९. २- ए, कसला आहे तो आवाज. ३- निराश्रितांचे दुःख. ४- काळ काहीच म्हणणार नाही.

'ऐसी अक्षरे'च्या दिवाळी अंकात डब्लू एच ऑडनच्या चार कवितांवर शैलेन भांडारेंचा फार साक्षेपी लेख आहे. बरेच दिवस ऑडनच्या कवितांना मराठी भाषेच्या कवेत घ्यायचे होते. या लेखामुळे ती इच्छा ताजी झाली.  त्या  लेखाची लिंक- http://aisiakshare.com/node/6252 आणि या त्यातील चार कविता- १- सप्टेंबर १, १९३९ मी बसलोय इथे एका यारबारमध्ये बावन्नाव्व्या रस्त्यावर डळमळीत आणि भेदरलेला गेल्या दशकभराच्या नीच अप्रामाणिकपणाच्या हुशाऱ्या मारणाऱ्या आशा... मावळल्यात साऱ्या भय आणि संतापाच्या लाटांवर लाटा फेर धरतात पृथ्वीच्या पाठीवर तेजाळल्या, अंधारल्या साऱ्याच प्रदेशांवर आमच्या जगण्याचा जणू ताबा घेतात ; नकोनकोसा मरणगंध सप्टेंबरच्या रात्रींवर आक्रमण करतो. कुणीतरी नीट अभ्यास केला तर हे सारे गाडलेले अपकृत्य येईल पृष्ठावर. ल्यूथरने सांगितल्यापासून आतापर्यंतचे सारेच... साऱ्या संस्कृतीचा तोल ढळवणारे शोधा, लिंझला काय झालं कुठल्या विक्राळ कोषमुक्त किड्याने घडवला एक भयंकर मनोविकृत देव ? मला आणि लोकांना तेवढंच कळतं जे सगळीच शाळकरी पोरं शिकतात ज्यांना दुष्टता भोगावी ...
Read more

पुस्तक- एमिली डिकिन्सन

पुस्तक पुस्तक … एक अशी अतुल्य आगळी युध्दनौका नेते जी दूरदूरच्या भूमींवर दिशांतराला किंवा एखाद्या उत्फुल्ल नाचऱ्या कवितेचे पान जसे दिशा ठरवते- कोण असेल तितके दिशादर्शक... अगदी निर्धनालाही झेपतो हा प्रवास कुठलेही खडतर कष्ट न उपसता : किती साधासा आहे हा मानवी आत्म्याला हलकेच वाहून नेणारा रथ एमिली डिकिन्सन A Book There is no frigate like a book To take us lands away, Nor any coursers like a page Of prancing poetry. This traverse may the poorest take Without oppress of toll; How frugal is the chariot That bears a human soul!  Emily Dickinson
Read more
  कसला काळ आहे हा...   तिथे कुठेतरी झाडांच्या गर्दीच्या मधल्या जागेत टेकडीच्या चढणीवर गवत वाढत जातं. आणि तो जुना क्रांतीपथ सावल्यांत विस्कळित होतो एक जुनं घर आहे, जिथं बैठका होत असत- त्यात भाग घेणारांची शिकार होऊ लागताच सोडून दिलं ते त्यांनी आणि या सावल्यांत विरून गेले.   मी तिथून चालत गेले होते कधीतरी भीतीच्या काठाकाठाने -अळंबी वेचायला, पण फसू नका. ही काही रशियन कविता नाही, दुसऱ्या कुठल्या देशातली नाही, इथलीच आहे. आपला देशही सरकतोय स्वतःच्या सत्यस्वरुपाकडे, आणि भीतीच्या दिशेनेही. लोक नाहीसे करून टाकण्याचे आपल्या देशाचे स्वतःचे मार्गही आहेत.   मी नाही सांगणार तुम्हाला ती जागा कुठे आहे, जंगलाच्या अंधाऱ्या जाळीत. एक प्रकाशाचा पट्टा तिथे थबकतो- सहज कळणार नाही. दोन वाटांच्या दुबेळक्यात भुतांचा वावर असावा, कुजल्या पानांवरच्या बुरशीचा स्वर्गहीः मला माहीत आहे तो पट्टा कुणीतरी विकत घ्यायच्या तयारीत आहे, विकायच्या तयारीत आहे, आणि मग नाहीसा करून टाकण्याच्याही.   नाही सांगणार तुम्हाला मी ती जागा कुठची ते, मग एवढं तरी कशासाठी ...
Read more